பயங்கரவாதம் என்பது “பல தலைகளின் அசுரன்” – ராணுவ தலைமை தளபதி

0
33
பயங்கரவாதம் என்பது “பல தலைகளின் அசுரன்” போல் தீவிரவாதத்தை பரப்புகிறது என டெல்லியில் நடந்த ஒரு நிகழ்ச்சியில் ராணுவ தலைமை தளபதி பிபின் ராவத் கூறினார்.
டெல்லியில் வெளிநாட்டு விவகார அமைச்சகம் மற்றும் தொல்பொருள் ஆய்வு அமைப்பு ஆகியவை  ஏற்பாடு செய்திருந்த கலந்துரையாடல் நிகழ்ச்சியில் கலந்து கொண்டு  இந்திய ராணுவ தலைமை தளபதி  பிபின் ராவத் கூறியதாவது:-
பயங்கரவாதத்தை அழித்துவிட முடியாது  “சில நாடுகள் தொடர்ந்து அதனை அரசு கொள்கைகளாக ஆதரிக்கின்றன” அதனால் பயங்கரவாதம் ஒரு புதிய வடிவமாக வருகிறது.பயங்கரவாதம் என்பது “பல தலைகளின் அசுரன்” போல் தீவிரவாத தலையை பரப்பும் ஒரு அச்சுறுத்தலாகும்.
பாகிஸ்தான் எப்பொழுதும் தாலிபானை அதன் கொல்லைப்புறத்தில் வைத்திருக்கிறது. இது  குறித்து  அது கவலைப்பட வேண்டும்.
ஆப்கானிஸ்தான்  சமாதான முன்னெடுப்புகளில், தாலிபானுடனான பேச்சுவார்த்தைகள் நிபந்தனைகளின்றி இருக்க வேண்டும்.
சமூக ஊடகங்களை கட்டுப்படுத்த வேண்டிய அவசியம் உள்ளது. அது தீவிரமயமாக்கல் பரவுவதற்கான ஆதாரமாக உள்ளது.
இந்தியாவில் ஜம்மு மற்றும் காஷ்மீரில் வெவ்வேறு விதமான தீவிரவாதமயமாக்கல்,   இதற்கு ஆதாரமாக உள்ளது. பல தவறான தகவல்கள் மதங்களுக்கு ஏராளமான பொய்கள் காரணமாக, இளைஞர்கள் தீவிரமடைகின்றனர்.
பயங்கரவாத அமைப்புகளுக்காக நிதி திரட்டுவதற்கான காரணங்களில் ஒன்றாக சமூக ஊடகங்கள் உள்ளன. “அதனால்தான், இன்னும் அதிகமான படித்த இளைஞர்களை பயங்கரவாதத்திற்குள் இழுக்கிறார்கள்.
சமூக ஊடகங்கள் தவறான தகவல் பரவாது மற்றும்  தீவிரமயமாக்கல் நடக்காது என்பதை உறுதி செய்ய வேண்டும். என கூறினார்.

LEAVE A REPLY

Please enter your comment!
Please enter your name here